БЗД-ийн Голомт банкны ажилтнаас халдвар илэрчээ
ЭМЯ ээлжит мэдээллээ хийлээ.
12200 сорьцод шинжилгээ хийхэд 13 хүнд covid-19 илэрчээ. ХӨСҮТ-ийн Тандалт судалгааны албаны дарга А.Амбасэлмаагийн мэдээлснээр Улаанбаатарт бүртгэгдсэн 13 тохиолдлын 10 нь "Ачтан" эмнэлгийн эмч ажилчид, гэр бүлтэй холбоотой. Мөн 2 тохиолдол нь орцноос гэр бүлийн хүрээнд дамжсан. Баянзүрх дүүргийн нэгдсэн эмнэлгийн голомтоос үүдэлтэй. Мөн Голомт банкны ажилтнаас тандалт судалгаагаар covid-19 илэрсэн гэлээ.
Халдварын голомт өргөн хүрээтэй тархсан учир иргэд урьд урьдынхаас илүү анхаарал сэрэмжтэй байх хэрэгтэй мэргэжлийнхэн сануулж байна. Батлагдсан тохиолдлуудын ойрын хавьтал 1080, дахин 1280 хоёрдогч хавьтал байгаа тул иргэдийн дунд халдвар тархах эрсдэл өндөр болжээ.
