"Оюу толгойд ХХК"-д 228 сая ам.долларын татварын акт тавьжээ
Хоёр жилийн өмнө Оюу толгой ХХК-д 155 сая ам долларын акт тавьснаас 4,8 сая долларыг цаад талаас төлсөн байдаг. Үлдсэн татварын өрийг төлөхгүй гэж үзээд олон улсын шүүх дээр зарга үүсгэх тухайгаа Оюу толгой компанийн зүгээс илэрхийлээд байгаа юм.
Татварын Ерөнхий газраас орсон ажлын шалгалтаар Оюу толгой компани нь Монгол Улсын нутаг дэвсгэрт гүйцэтгээгүй ажил, үйлчилгээ гэж үзэн оффшор гэрээнд хамруулсан зөрчил илэрсэн байна. Тиймээс ТЕГ-аас 228 сая ам.долларын акт тавьжээ. Харин энэ мөнгийг хөрөнгө оруулагч тал төлөхгүйгээр ямар нэгэн шалтаг шалтгаан хэлээд дахин Арбитрын шүүхэд хандах уу? эсвэл хэлэлцээрийн ширээний ард сууж асуудлаа шийдэх үү? гэдэг нь одоогоор тодорхойгүй байна.
