Эцэг эх нь тусгаарлалтад орсон болон эмчилгээ хийлгэж байгаа хүүхдүүдийн эрхийн асуудал хөндөгдөж байна
Баянзүрх дүүрэгт тусгаарлалтын хугацаагаа дуусгаад гэртээ орох гэсэн бага насны хоёр хүүхдийг байрных нь иргэд болон СӨХ-оос оруулахгүй байна гэсэн мэдээлэл чих дэлслээ.
Харин албаныхны өгч байгаа мэдээллээр түр хамгаалах байруудыг шинээр бий байгуулж эхэлжээ. Өчигдөр ариутгал халдваргүйтгэл хийн хоёр хүүхдийг түр хамгаалах байранд авсан байна. Гэр бүл хүүхэд залуучуудын газар 21 аймаг, 9 дүүрэгт мэргэжлийн анги байгуулан ажиллаж байгаа гэнэ.
Мөн цар тахлын томоохон голомт болоод байгаа Сэлэнгэ аймагт 148 хүүхэд хараа хяналтгүй болжээ. Түр асран хамгаалагч сонгох, хажуу хөршид нь шаардлага тавих, шаардлагатай бол түр хамгаалах байрны үйлчилгээг мэргэжлийн байгууллагууд үзүүлж байна.
Одоогоор 32 түр хамгаалах байр 21 аймагт, 9 дүүрэгт ажиллаж байна.
Коронавирус туссан, эмчлэгдэж байгаа хүүхдүүд болон иргэдийг ялгаварлан гадуурхаж, гутаан доромжлохгүй байхыг Цар тахалтай тэмцэх хуульд тодорхой заасан байдаг.
Ц.Энхбуян
