ЭМЯ: Өчигдөр 240 хүн тусгаарлалтад орлоо

Эрүүл мэндийн яамнаас коронавирусийн халдварын нөхцөл байдлын талаарх мэдээллийг хүргэж байна.

Өнөөдрийн байдлаар дэлхийн 216 улс орон, бүс нутагт коронавирусийн халдварын тохиолдол бүртгэгдсэн. Дэлхий дахинд нийт 18.9 сая тохиолдол бүртгэгдснээс 12 сая хүн эдгэрч 711 мянган хүн вирусийн халдварын улмаас амиа алджээ. 

Америкт өвчлөл буурах хандлагатай байна. Харин Бразил болон Энэтхэг улсуудад халдвар улам идэвхжиж байна. Түүнчлэн Японы Нагояа мужид хөл хорионы дэглэмийг илүү чангатгажээ.

Коронавирусийн халдвар буурахгүй байгаатай холбогдуулан дэлхийн улс орнууд өөр өөрийн арга хэмжээгээ авч хэрэгжүүлж байна. Тухайлбал Америкийн Чикаго хотын эрх баригчид энэ жилийн хичээлийн жилийг 100 хувь цахимаар явуулах шийдвэр гаргажээ.

Манай улсын хувьд нийт 2700 гаруй хүн тусгаарлалтад байгаагаас 240 хүн өчигдөр шинээр тусгаарлалтад оржээ.