COVID-19: БНСУ-д халдварын тохиолдол буурч байна

БНСУ-ын Халдварт өвчин судлалын төвийн 10:00 цагийн мэдээллээр тус улсын хэмжээнд коронавирусаар халдварласан тохиолдол 4 дүгээр сарын 06-ны 00.00 цагийн байдлаар 47-оор нэмэгдэж нийт 10284-д хүрсэн байна. Өмнөх өдөр нь 81 халдварын шинэ тохиолдол бүртгэгдэж байв.

Мөн хилийн чанадаас ирж байгаа хүмүүсээс шинээр нэмж 6 халдварын тохиолдол илэрч, ингэснээр нийт импортлогдож орж ирсэн тохиолдол 769 болж байна.

БНСУ халдварын тохиолдлыг тогтмол бууруулж 50-аас цөөн болгохын тулд олноос зай барих зөвлөмжийг 4-р сарын 19 хүртэл хоёр долоо хоногоор сунгаад байгаа юм.

Шинээр Сөүл хотод 11, Дэгү хотод 13, Инчон хотод 1, Дэжөн 2, Кёнги мужид 8, Өмнөд Чүнчон мужид 1, Умард Гёнсан мужид 2, Өмнөд Гёнсан мужид 2, хилийн хорио цээрийн бүсээс 7 тохиолдол нэмэгдсэн байна.

Одоогийн байдлаар 466804 (+5571) иргэнийг шинжилгээнд хамруулж, үүнээс 437225 (+5800) иргэний хариу сөрөг гарч, 19295 (-276) иргэний хариу хүлээгдэж байна. Нийт 6598 (+135) иргэн бүрэн эдгэрсэн бол 186 (+3) иргэн нас баржээ.

Эх сурвалж Yonhap news