Гэртээ тусгаарлагдаад байгаа Канадын Ерөнхий сайд утсаар танхимаа удирдаж байна
Канадын Ерөнхий сайд Жастин Трюдо эхнэр нь коронавирусын халдвар авсан учраас гэртээ хорио цээрийн дэглэм баримтлаж гэртээ тусгаарлаагдаад буй.
Тэрээр ард иргэддээ өөрийн нөхцөл байдлыг харуулж гэрээсээ засгийн газрын ажлаа үргэлжлүүлж байгаа гэдгээ мэдээлэх үеэрээ Канадын Covid-19-ын хорио цээрийн дэглэмд байгаа анхны гэр бүлтэй танилцахыг санал болгов.
Ерөнхий сайдын хүүхдүүд өрөөндөө лего тоглож, түүний эхнэр гар утсаар ярихад багагүй хугацааг зарцуулж байгаа аж.
Ерөнхий Сайд Трюдо " Би эрүүл саруул байхыг хүсэж байна. Надад ямар нэгэн шинж тэмдэг байхгүй. Би сайн байгаа. Технологи надад гэрээсээ ажил хийх боломжийг олгож байна" гэж Оттава дахь байрныхаа гадаа хийсэн хэвлэлийн хурлын үеэр ярилаа.
Трюдо жижигхэн тоосгон байшингийн өмнө ганцаараа зогсож, түүнээс хэдэн метрийн зайтай зогсож ярилцлага авах зөвшөөрөл авсан сэтгүүлчид зогсож яриа өрнөв. Энэ нь Ерөнхий сайд Жастин Трюдогийн хувьд эхнэр Софи нь коронавирусын шинжилгээгээр эерэг гэсэн хариу сонссоноос хойш анх удаагаа олон нийтэд хандан мэдээлэл хийж буй нь юм.
Пүрэв гарагийн үдээс хойш 48 настай Канадын засгийн газрын тэргүүн Жастин Трюдо, түүний эхнэр 44 настай Софи болон тэдний 6-12 насны гурван хүүхдийн хамт Парламентаас хэдхэн км-ын зайтай байрлах байшинд 14 хоног тусгаарлах шийдвэрийг гаргасан билээ.
Энэ үеэр тэрбээр утсаар ажлаа хийх нь тухгүй, заримдаа бухимдал төрүүлэхээр байгаа ч бид бүхний оршин байх тухай асуудал учраас бид үүнийг хийх шаардлагатай гэж хэлэв.
Түүний эхнэрийн биеийн байдал сайн. Хөнгөн шинж тэмдэг үзүүлж байгаа бөгөөд эмчилж хийж байгаа аж.
Ерөнхий сайд Трюдогийн хувьд Эммануэль Макрон, Доналд Трамп, Жузеппе Конте зэрэг бусад улсын төрийн тэргүүнтэй ярих, улсын бусад муж, хотуудын удирдлагуудтай холбогдох гэхчлэн утсаар амжуулах маш шахуу хөтөлбөртэй завгүй ажиллаж байгаа гэлээ.
Баасан гарагт тэрбээр танхимынхаа гишүүдийн хамт вирусын тархалттай тэмцэх арга хэмжээ болон холбогдох зардлыг батлаж, ажиллажээ.
" Өчигдөр ч өнөөдөр ч би үнэхээр завгүй байлаа. Канадчуудын аюулгүй байдлыг хангахын тулд хийх ёстой чухал ажлуудыг гэрээсээ үргэлжлүүлэх хийх болно" гэж ярилаа.
Сэтгүүлч түүнээс " Хэрвээ Ерөнхий сайд эхнэрээсээ халдвар авсан байсан бол, болзошгүй нөхцөл байдлын төлөвлөгөө байсан уу" гэж асуухад Өвдсөн эсвэл хүндээр өвчилсөн сайд нарт үргэлж гэнэтийн явдлын төлөвлөгөө байдаг гэж хариулав.
Эх сурвалж AFP
Д.Алигэрмаа
