Францын иргэнтэй ойрын хавьтлын 207 хүний шинжилгээний хариу сөрөг гарлаа
Шинэ коронавирусийн халдвар авсан нь тогтоогдсон Францын иргэнтэй хавьтсан иргэдээс авсан шинжилгээний хариу гарсаар байна.
Халдвар авсан гаднын иргэнтэй хамгийн ойр байсан 9 хүн болон нийт 58 хүний шинжилгээний хариу сөрөг буюу халдваргүй гарсан. Нийлбэр дүнгээрээ 207 хүний шинжилгээ халдваргүй гараад байна. Шинжилгээ үргэлжилж байна гэж Улсын онцгой комиссоос мэдээллээ.
Өчигдөр 15:41 цагийн байдлаар нийт 149 хүн халдваргүй нь тогтоогдсон юм.
Харин нэмээд 58 хүний хариу ийнхүү сөрөг гарчээ.
Халдвар авсан Францын иргэнтэй хамгийн ойр байсан 9 хүн/үүнд Англи Улсын иргэн багтаж буй/ болон бүгд 58 хүний шинжилгээний хариу сөрөг буюу халдваргүй гэж гарсан байна. Ингээд Францын иргэнтэй нэг, хоёрдугаар зэргийн хавьталтай 149+58 нийт 207 хүн шинэ коронавирусийн халдвар аваагүй нь тогтоогдоод байна гэж Эрүүл мэндийн яамнаас мэдээллээ.
Ж.Эрхэс
