"Хагибис" хар салхи Японд хөрсний нуралт үүсгэж одоогоор 10 хүн амь эрсджээ
Хагибис хар салхины улмаас Японд бямба гарагт орон нутгийн цагаар 8 цагт хөрсний нуралт үүсэж 10 хүн нас амь насаа алдаж 140 гаруй хүн бэртэж гэмтээд байна.
Японы цаг уурын байгууллагын мэдээлснээр Хагибис хар салхи орон нутгийн цагаар оройн 7 цагийн үед Токиогийн баруун өмнөд хэсэгт Изу арал дээр хөрсний нуралт үүсгэжээ.Тус агентлаг цаг агаарын онцгой нөхцөлийн сэрэмжлүүлэг ( түвшин 5) гаргаж, ард иргэдийг хүчтэй салхи, шуурга,бороотой үед сонор сэрэмжтэй байхыг уриалллаа.
Энэ сэрэмжлүүлгийг Точиги, Ибараги, Фукушима, Мияги зэрэг 12 муж, хотуудад гаргажээ. Цаг агаарын аюулт үзэгдлийн 5-р түвшний зэрэгт зарим төрлийн гамшиг аль хэдийнээ бий болчихоод байна гэж тус улсын цаг уурын агентлагын цаг уурч Ясуши Каживара хэлжээ. Мөн иргэдийг амь насаа хамгаалж яаралтай арга хэмжээ авахыг онцгойлон анхааруулсан байна.
Эрх баригчид одоогоор хар салхинаас болж хамгийн багадаа хүн амь насаа алдсаныг батлаад байна. Мөн 140 орчим хүн бэртэж, 9 хүн сураггүй алга болсныг эрэн хайж байгаа юм байна. Регбигийн дэлхийн аварга шалгаруулах тэмцээнийг зохион байгуулах улсад хар салхи гарсан учраас Англи-Франц, Шинэ Зеаланд-Итали гэсэн хоёр тоглолт цуцлагдахаас өөр аргагүй болжээ. Ням гарагийн зарим тоглолтууд ч мөн цуцлагдсан байна.
Нүүлгэн шилжүүлэх зөвлөмжүүд сая сая иргэдийн амьдралд нөлөөлж байна.
Нүүлгэн шилжүүлэх зөвлөмжүүдийг Японы олонхи мужид гаргасан нь тус улсын сая сая иргэдийн амьдралд нөлөө үзүүлж байна. Хүчтэй ширүүн бороо орж байх үеэр Японы завгүй гудамжууд эль хуль хоосон болж байна. Найман муж хамгийн багадаа 936,113 иргэнийг нүүлгэн шилжүүлэх захиалга өгч байгаа бөгөөд 292,770 айл өрх гэрэл цахилгаангүй байгаа талаар Японы Эрчим хүчний компани мэдээлжээ. Харин тус улсын газар, дэд бүтэц, тээврийн сайд ширүүн борооны улмаас үүссэн гурван далангаас зайлуулж байгаа ус нь урсгал дагуу үерлэж болзошгүй байгаа талаар мэдэгдсэн байна. Хар салхи нь Японд ойртож ирэхдээ хүч нь суларсан боловч өндөр эрсдэл, аюул дагуулсан хэвээрээ байнаа бөгөөд хурд нь цагт 195 км хүрч байжээ. Үүний улмаас өнгөрсөн амралтын өдрүүдэд Токио хот болон ойролцоох нисэх буудлууд бүх нислэгээ цуцлаад байсан юм.
Эх сурвалж: CNN 2019.10.13
